Ito Kase ....

http://kulotpalaako.blogspot.com/ Ito ang napili kong isa sa mga paksa ng kanyang blog dahil sinasaad dito ang pagkaka kilanlan  niya sa kanyang mga kaibigan at nais maging kaibigan. Sa pag babasa ko nito agad ko rin nahinuha kung anong klase siyang tao at kaibigan. Nasiyahan din ako dahil nag pakatotoo siya sa kanyang sarili.

Karanasan Sa NCAE

  Naging makabuluhan ang aking araw ngayon dahil sa ginawang pagsusulit na tinatawag ngang NCAE. Bagamat hindi ko nakasama ang iba kong malalapit na kaibigan sa loob ng aming silid hindi ito naging hadlang upang ako ay maging masaya. Naging maayos ang pagsasagot ko sa nasabing pagsusulit at mabait din ang guro na nag bantay sa amin. Sa tuwing oras ng pagkain ay lumalabas kami at nag titipon-tipon upang ikwento ang mga naunang karanasan. Tatlong beses kaming lumabas o nagpahinga kaya hindi masyadong dumugo ang aming utak sa pagpili ng kurso na aming gusto. Maaga rin kaming natapos dahil sa tahimik at matiwasay nga ang pagsusulit. Hiling ko na makapasa sa napupusuan kong kurso sa kolehiyo. Sana ay makabuluhan din ang magiging resulta nito.

Huwag Basahin.

Sa paglayo ko sayo, lalo lang akong nasasaktan. Hindi ko alam kung manhid ka o ayaw mo lang talaga. Alam mo ba na tuwing paggising ko ikaw agad ang pumapasok sa akin isip, tanong ko kung gising kana o kumain kana o nasaan ka o kung ano yung ginagawa mo o kung ano pa. Sa pag pasok ko naman lagi akong tumitingala upang tingnan yung silid mo baka sakaling nandun ka at hinihintay ako. Pero tanging yung litrato mo lang sa "fish pond" yung ngumingiti sakin, iniisip ko na sana balang araw maging ganyan din ang mga ngiti mo para sa akin. Sana ikaw na yung "first move" hindi laging ako kasi I wonder kung hindi ako kikilos may mangyayari pa kaya sa atin? Hmm, hindi naman ako nag hahangad na magustuhan mo rin ako ang akin lang eh sana ma'appreciate mo yung mga efforts na ginagawa ko para sayo. yung halos araw-araw nalilibot ko yung school makita ka lang, yung kada break time nag papahuli ako na halos malate na masulyapan ka lang na kumakain kase worried ako na baka gutom ka, yung mga time na dapat nagaaral ako nilalaan ko pa para isipin ka.. Hindi ako nagsisisi na nagka gusto ako sa taong tulad mo, achievement nga iyon eh, nagkagusto ako sa BATO. Pero ngayon tama na muna! Hindi nakaka buti para sa akin yung mga ginagawa ko para sayo. diba nga, kung gustong mahalin ka ng iba, mahalin mo muna yung sarili mo. Gusto ko magpa'salamat sa pagbibigay inspirasyon mo sa akin lalo na nung pagsusulit, sa mga araw na pinapakilig mo ko kahit hindi mo yun alam at siyempre salamat dahil marami na naman akong natutunan nang dahil sayo. PS. Ang bait mo sana kunin ka na ni lord :D

Mga Inaasahan

  Nais kong yumabong pa aking kaalaman sa lahat ng bagay. Nais kong mas magkaroon pa ng lakas ng loob. Sa susunod na markahan sana ay magtuloy tuloy ang mga nasimulan lalo na sa larangan ng pag uulat at pagdudula-dulaan. Sana ay mas marami pang uri o klase ng aktibidad na maglilinang sa kakayahan namin sa ibat ibang mga gawain. Nawa'y humaba rin ang pasensya ng mga guro para sa amin. At syempre ang nais ng lahat... Maging Masaya at isa sa mga hindi malilimutan ang susunod na markahan. :)

Sa Unang Markahan

  Sa natapos na Unang Markahan mas naging malakas ang aking loob sa mga gawaing pam-paaralan tulad nalang ng paguulat at pagdudula-dulaan. Marami akong natutunan at bagong nalaman partikular na sa mga bansang tinalakay namin. Naging maayos din ang resulta ng pagsusulit na ginawa namin at natutuwa akong ipahayag na marami sa amin ay inaabangan na ang mga susunod na mangyayari sa susunod na markahan.

Paboritong Kwento

  Twilight ang pinaka paborito kong kwento mag mula pa noon hanggang ngayon. Dahil bukod sa kakaiba nitong istorya ay marami ka ring makukuhang aral, tulad ng hindi pagsuko sa mga problema at isipin na may nagmamahal sayo huwag magpadala sa galit at isipin na magiging maayos din ang lahat. Bukod sa kwento nito ay ini-idulo ko rin ang mga bidang gumanap dito na sina Robert Pattinson at Kristen Stewart bilang Edward Cullen at Bella Swan. Dahil sa galing nilang umarte ay para talagang makatotohanan ang lahat. Naging kapana-panabik din ang mga kwento nito dahil iba iba ang mga nangyayari o "twist" sa kwento. Bukod sa marami kang matu-tutunan ay kikiliin ka pa dahil sa pagiibigan ng mga bida at pati ikaw ay madadala tulad ko. Pwede mo rin itong maging inspirasyon sa pag-ibig na kahit ano ka man o sino ka man pagdating sa pag-ibig ay walang pinipili.

Repleksyon sa Juan Tamad

  
  Bilang isang kabataan, marami akong natutunan sa Alamat ni Juan Tamad isa na doon siyempre na ang pagiging tamad ay walang patutunguhan. Dahil na rin sa tayo lang ang pag asa ng bayan, kung magiging tamad pa tayo at maghihintay lamang sa bigay o biyaya ng iba talagang walang mangyayari sa atin at sa lipunang ginagalawan natin. At ito ay hindi lang para sa atin kung hindi para rin sa ating mga magiging anak o apo. Paano nalang kung ang kalakihan nilang mga tao ay tamad, natural magiging tamad din sila, dahil sabi nga "Lahat ng ginagawang Mali ng Matatanda ay Tama para sa mga Bata"
   
    Kaya ngayon pa lamang ay mag isip-isip na tayo sa ating mga ginagawa. Huwag ng maging pabigat bagkos ay tumullong at mag pursige sa mga pangarap.